एजेन्सी । वर्षातको मौसम सबैलाई मन पर्छ तर यसले छालामा विभिन्न खाले समस्याहरु पनि लिएर आउँछ । मनसुनमा छालामा इन्फेक्शनको समस्या बच्चादेखि बुढासम्म सबैलाई आउँछ । छालामा संक्रमणले गर्दा छाला चिलाउने, र्यासेज आउने, रातो हुने, दाना आउने जस्ता लक्षणहरु देखिन सक्छन् । तर यस्ता समस्याहरुलाई बढ्नु भन्दा अगाडि नै उपचार गर्नु सावधानी हुन्छ ।
वर्षातको मौसममा छालासँग जोडिएका समस्याहरुको सम्भावना बढ्नबाट रोक्नका लागि समयमै यसको हल निकाल्नु पर्ने हुन्छ । यस्तो तपाईंका लागि हामीले केही टिप्स तथा ट्रिक्सहरु लिएर आएका छौं जसको सहयोगले तपाईं छालासँग जोडिएका समस्याहरुबाट छुट्कारा पाउन सक्नुहुन्छ ।
डन्डीफोर तथा ब्रेकआउट
- अनुहारमा भएको अतिरिक्त चिल्लो तथा फोहोरलाई हटाउनका लागि तपाईं दिनमा दुईपटक गैरकमेडोजेनिक क्लीन्जरले सफा गर्नुहोस् ।
- ब्याक्टेरियालाई रोक्नका लागि आफ्नो अनुहारलाई फोहोर हातहरुले छोइरहने नगर्नुहोस् ।
- पोर्सलाई बन्द नगरीकन आफ्नो छालालाई हाइड्रेट राख्नका लागि तेलमुक्त तथा हल्का मोइस्चराइजरको प्रयोग गर्नुहोस् ।
- डन्डीफोरलाई कम गर्नका लागि सेलिसिलिक एसिड वा बेजायल पेरोक्साइड स्पट उपचारको प्रयोग गर्नुहोस् ।
फंगल इन्फेक्शन
- आफ्नो छालालाई सुख्खा तथा सफा राख्नुहोस् । खासगरी फंगल इन्फेक्शन भएको एरिया जस्तै खुट्टाका औंला, काखी तथा कम्मरको बीचको भागलाई सुख्खा तथा सफा राख्नुहोस् ।
- दैनिक रुपमा कपडा बदल्नुहोस् र पसिना आएको कपडामा धेरै समय नबस्नुहोस् ।
- कसिलो कपडा लगाउनबाट बच्नुहोस् जसले फंगल इन्फेक्शनलाई बढाउन सक्छन् ।
धेरै पसिना आउनु
- आफ्नो छालालाई सफा राख्न तथा पसिना आउनबाट रोक्नका लागि नियमित रुपमा नुहाउने गर्नुहोस् ।
- धेरै पसिना आउनबाट रोक्नका लागि एन्टीपर्सपिरेन्ट्स वा ट्याल्कम पाउडरको प्रयोग गर्नुहोस् ।
- सुती जस्ता प्राकृतिक रेशाबाट बनेका स्वास लिन सक्ने तथा खुकुलो कपडाहरु लगाउनुहोस् ।
- शरीरलाई हाइड्रेट राख्नका लागि धेरै झोलिलो चिज तथा पानी पिउनुहोस् ।
डिहाइड्रेटेड छाला
- आफ्नो छालालाई भित्रैदेखि हाइड्रेट राख्नका लागि सही मात्रामा पानीको सेवन गर्नुहोस् ।
- डेड स्किन सेल्सलाई हटाउन तथा अनुहारलाई चमकदार देखाउनका लागि हप्तामा एक वा दुईपटक सौम्य एक्सफोलियटरको प्रयोग गर्नुहोस् ।
- छालामा नमी बनाइराख्नका लागि हल्का मोइस्चराइजर लगाउनुहोस् ।
- छालामा नमीलाई बढावा दिनका लागि हाइड्रेटिंग फेस मास्क वा शीट मास्कलाई आफ्नो छालाको देखभालको रुटिनमा समावेश गर्नुहोस् ।
घामबाट सुरक्षा
- मनसुनमा युवी किरणले पनि तपाईंको छालालाई नोक्सान पुर्याउन सक्छ । बाहिर जानुअघि एसपीएफ ३० वा यसभन्दा धेरै भएको सनस्क्रीनको प्रयोग गर्नुहोस् ।
- हरेक केही घण्टापछि पुनः सनस्क्रीन लगाउनुहोस्, खासगरी यदी तपाईं वर्षातको सम्पर्कमा आउनुहुन्छ वा अत्यधिक पसिना आउँछ भने ।
- तपाईं सिधै घामको किरणबाट छालालाई जोगाउनका लागि छाता, टोपी जस्ता चीजको प्रयोग गर्न सक्नुहुन्छ ।
Facebook Comment
Comment