जित्नै लागेको खेल राजस्थानले गुमायो, अन्तिम नो बलमा हैदरावाद विजयी

एजेन्सी। इन्डियन प्रिमियर लिग आईपीएल क्रिकेटमा गएरातिको खेल रोचक भएको छ ।

सनराइजर्स हैदरावादसँगको खेल जित्यौँ भनेर मैदानमा पुगेका राजस्थान रोयल्सका खेलाडी अन्तिममा निराश हुनुपरेको छ ।

राजस्थानले दिएको २ सय १५ रनको लक्ष्य पछ्याएको हैदरावादलाई अन्तिम बलमा १७ रन चाहिएको थियो । अझ अन्तिम बलमा ५ रन आवश्यक थियो । तर राजस्थानका खेलाडी क्याच आउट भए ।

राजस्थानका खेलाडीले खुसी मनाउन थालिसकेका थिए । तर जब अम्पायरले नो बलको संकेत दिए तब राजस्थानका खेलाडीको अनुहारमा बादल छायो । नो बलमा हैदरावादका अब्दुल सामदले छक्का हान्दै टिमलाई जिताए ।

हैदरावादका लागि अभिषेक शर्माले सर्वाधिक ५५ रन बनाए । राजस्थानका यजुवेन्द्र चहलले ४ विकेट लिए ।

यसअघि पहिले ब्याटिङ गरेको राजस्थानका लागि जस बटलरले ९५, यशस्वी जयसवालले ३५ र सन्जु सामसनले नटआउट ६६ रन बनाए ।

नाटकीय जितसँगै हैदरावाद १० खेलमा ८ अंकसहित दिल्लीलाई पछि पार्दै पुछारबाट दोस्रो स्थानमा पुगेको छ । १० अंक रहेको राजस्थान चौथो स्थानमा यथावत छ ।