मिटर ब्याज पीडितको धर्नामा पुगेर गृह सचिवले भने- ‘माग पुरा हुन्छ, धर्ना त्याग्नुहोस्’

काठमाडौं । सरकारले मिटर ब्याज पीडितलाई आन्दोलन स्थगित गर्न आग्रह गरेको छ ।

पीडितहरु धर्ना बसेको ठाउँ टंगालमा पुगेर गृह मन्त्रालयका सचिव विनोद प्रकाश सिंहले सरकारले माग पुरा गर्ने आश्वासन दिँदै धर्नाका कार्यक्रम स्थगन गर्न आग्रह गरेका छन् । मंगलबार धर्नास्थल टंगाल पुगेर पीडितलाई भेटेका सचिव सिंहले धर्ना स्थगित गर्न आग्रह गरेका हुन् ।

‘सरकारले व्यवहारिक र कानुनी दुवै बाटोबाट तपाइँहरुका माग सम्बोधन गर्न आजैदेखि काम थाल्छ, धर्ना स्थगित गर्नुहोस् ।’ सिँहले भनेका छन् ।

संघर्ष समितिका संयोजक मनोज पासवानले गृह सचिवसँगको भेटमा आफूहरुले प्रधानमन्त्रीलाई भेटेर पीडा सुनाउन चाहेको बताएका छन् ।

उनिहरुले मिटरब्याज पीडितले न्याय पाउनको लागि कानुन नै परिवर्तन गर्नुपर्ने भएकाले नयाँ कानुनको माग गरेका छन् । पीडितहरुले प्रधानमन्त्री निवास घेराउ गर्ने लक्ष्य लिएका छन् । तर उनिहरुलाई प्रहरीले टंगालमै रोकेको छ ।