‘आईएमई पे’ को पे विथ लिंक बैंक सुविधा

काठमाडौं। आईएमई ग्रुपद्वारा सञ्चालित आईएमई पे ले पे विथ लिंक बैंक सुविधा थप गरेको छ ।

‘आईएमई पे’का अनुसार यस सुविधाअन्तर्गत अबदेखि हरेक बैंक प्रयोगकर्ताहरूले आफ्नो बैंक लिंक गरी आईएमई पे मार्फत सजिलै विभिन्न भुक्तानी सेवाहरू प्राप्त गर्न सक्नेछन् ।

सो सेवा प्रयोग गर्ने सेवाग्राहीहरूले बैंक लिंक गरे वापत रू. १००/– र बैंक लिंक गरिसकेपछि प्रत्येक भुक्तानीमा क्यासब्यकका अतिरिक्त विभिन्न अवार्डहरू पनि प्राप्त गर्न सकिने गरी व्यवस्था मिलाइएको ‘आईएमई पे’ ले जनाएको छ ।

त्यस्तै, टपअपको भुक्तानीमा ५ प्रतिशत क्यासब्याक, क्यूआर भुक्तानी एवम् क्यूएफएक्सको मुभी टिकटमा क्यासब्याकका साथै एयरलाइन्सको टिकट खरिदमा रू. २ सय ५० देखि ७ सय सम्मको क्यासब्याक बैंक लिंक गरि कारोबार गर्दा प्राप्त हुने पनि ‘आईएमई पे’ले जनाएको छ ।

थप गरिएको यस सेवाले बैंक प्रयोगकर्ताहरूलाई लिंक बैंकबाट नै सजिलोसँग भुक्तान गर्न मिल्ने विशेषता प्रदान गर्ने र ठूलो रकमको भुक्तानीमा पनि सीधै पे विथ लिंक बैंक छनोट गरी भुक्तान गर्न सकिने ‘आईएमई पे’ले जनाएको छ ।