इन्जिनमा समस्या देखिएपछि श्री एअरको जहाज नेपालगञ्जमा आकस्मिक अवतरण, सबै यात्रु सुरक्षित

नेपालभ्युज

काठमाडौं। श्री एअरलाइन्सको जहाजमा समस्या देखिएपछि नेपालगञ्जमा आकस्मिक अवतरण गरिएको छ ।

नेपालगञ्जबाट काठमाडौंका लागि उडेको जहाजको केहिबेरमा बायाँ इन्जिनमा समस्या देखिएको थियो । त्यसपछि पाइलटले नेपालगञ्ज विमानस्थललाई जानकारी गराएका थिए । जहाजको इन्जिनमा समस्या देखिएकाले नेपालगञ्ज विमानस्थलमा आपत्कालिन सबै प्रक्रियालाई दुरुस्त अवस्थामा राखिएको थियो ।

जहाजमा रहेका चालक दलका सदस्यसहित सबै ७९ जना सुरक्षित रहेको श्री एअरलाइन्सका प्रवन्धक अनिल मानन्धरले नेपाल भ्युजलाई जानकारी दिए ।

काठमाण्डौबाट विज्ञको टोली नेपालगञ्ज जाने तयारीमा रहेको र टोलीले हेरेपछि विस्तृत कुरा थाहा हुने मानन्धरले बताएका छन् ।