भ्रष्टाचार मुद्दामा पक्राउ परे दिल्लीका स्वास्थ्यमन्त्री जैन

आम आदमी पार्टीले जैन हिमाचल प्रदेशका पार्टी इन्चार्ज रहेकाले हिमाचल प्रदेशमा हुन लागेको चुनावलाई प्रभावित गर्ने उद्देश्यले उनलाई गिरफ्तार गरिएको आरोप लगाएको छ।

नेपालभ्युज

भ्रष्टाचार मुद्दामा पक्राउ परे दिल्लीका स्वास्थ्यमन्त्री जैन

काठमाडौं। भ्रष्टाचार मुद्दामा दिल्लीका स्वास्थ्यमन्त्री सत्येन्द्र जैन पक्राउ परेका छन्। आम आदमी पार्टीका जैन अरविन्द केजरीवाल सरकारका स्वास्थ्यमन्त्री हुन्।

जैन सन् २०१५ देखि २०१६ मा कोलकाताको एक फर्मसँग ४.८ करोड भारतीय रुपैयाँको हवालामा संलग्न रहेको आरोपमा पक्राउ परेका हुन्। उनीमाथि केन्द्रीय अनुसन्धान ब्युरो (सीबीआई)ले सम्पत्ति शुद्धीकरणको मुद्दा लगाएको छ।

आम आदमी पार्टीले भने जैनको पक्राउको विरोध गरेको छ। उसले जैन हिमाचल प्रदेशका पार्टी इन्चार्ज रहेकाले हिमाचल प्रदेशमा हुन लागेको चुनावलाई प्रभावित गर्ने उद्देश्यले जैनलाई गिरफ्तार गरिएको आरोप लगाएको छ।

आम आदमी पार्टी भ्रष्टचार र अनियमिततालाई जरैदेखि उन्मुलन गर्ने नारासहित दिल्लीको नेतृत्वमा पुगेको थियो। उसले भर्खरै सम्पन्न चुनावमा पञ्जाबको पनि नेतृत्व पाएको थियो।


Comment

Leave a Reply

Your email address will not be published. Required fields are marked *

थप समाचार

Copyright © 2024 Digital House Nepal Pvt. Ltd. - All rights reserved