सबै सम्पत्ति त्यागेर वृन्दावन जाने वाचा गरेका प्रसाईं भन्छन् : म किन जानु?

चुनावमा जित्नका लागि टाउको काटेर फाल्छु, कान काटेर फाल्छु भनेर भन्ने गरिएकोमा यसको मतलब विपक्षीको मनोबल घटाउनका लागि भन्ने गरिएको उनले बताए।

नेपाल भ्यूज

सबै सम्पत्ति त्यागेर वृन्दावन जाने वाचा गरेका प्रसाईं भन्छन् : म किन जानु?

काठमाडौं। स्थानीय निर्वाचनमा नेकपा (माओवादी) र नेकपा (एकीकृत समाजवादी)ले एक ‘सिट’ पनि जिते आफू सन्यास लिएर वृन्दावन जाने बताएका नेकपा एमालेका केन्द्रीय सदस्य दुर्गा प्रसाईंले बोली फेरेका छन्। प्रकाश सुवेदीको टेलिभिजन कार्यक्रममा उनले आफ्नो बचाउ गरे।

अघिल्लो वर्ष २६ चैतमा भक्तपुरको सूर्यविनायकमा आफूले सञ्चालन गरेको २ अर्ब बढी लागतको तरकारी बजारको उद्घाटन क्रममा उनले नेकपा माओवादी केन्द्र र नेकपा (एकीकृत समाजवादी)ले एक स्थानमा मात्रै जिते भने पनि आफ्नो सबै सम्पत्ति त्यागेर सन्यासी बनी वृन्दावन जाने बताएका थिए।

कार्यक्रमको शुरुमै उक्त भिडिओ क्लिप देखाउँदै सुवेदीले प्रसाईंलाई सोधेका थिए, ‘अब कहिले जाने त वृन्दावन ?’

उक्त प्रश्नको जवाफमा प्रसाईंले भने, ‘वृन्दावन किन जानुपर्‍यो मैले ? मैले भन्या छु त गठबन्धन नगरेर एक्लाएक्लै जितेर आउनुस् भनेर।”

तर भिडिओमा गठबन्धन नभनेको भन्दै थप प्रश्न सोधिएपछि प्रसाईंले आफूले स्क्रिप्ट लेखेको र त्यसमा गठबन्धन लेखेको बताए।

चुनावमा जित्नका लागि टाउको काटेर फाल्छु, कान काटेर फाल्छु भनेर भन्ने गरिएकोमा यसको मतलब विपक्षीको मनोबल घटाउनका लागि भन्ने गरिएको उनले बताए।

Leave a Reply

Your email address will not be published.

सम्बन्धित

ट्रेन्डिङ

Copyright © 2022 Digital House Nepal Pvt. Ltd. - All rights reserved