रौतहट। रौतहटको चन्द्रपुर नगरपालिकामा नेपाली कांग्रेस विजयी भएको छ।
मेयरमा कांग्रेसका सन्जयकुमार काफ्ले र उपमेयरमा पनि कांग्रेसकै जयमाला चौधरी निर्वाचित भएकी छन्। मेयरमा काफ्लेले ९ हजार १ सय ६३ मत ल्याए। उनले निकटतम प्रतिद्वन्द्वी नेपाल कम्युनिष्ट पार्टी (एमाले) उम्मेदवार शिवप्रसाद आचार्यलाई २ हजार ६ सय ३९ मतान्तरले पराजित गरे। एमाले उम्मेदवार शिवप्रसाद आचार्यले ६ हजार ५ सय २४ मत पाए।
नगरप्रमुखमा जितेका काफ्लेले चन्द्रपुर-५ मा वडाध्यक्ष जितेका थिए। उपप्रमुखमा नेपाली कांग्रेसकी चौधरीले ११ हजार ३ सय ७८ मत पाएर निर्वाचित भइन्। चौधरीकी निकटतम प्रतिद्वन्द्वी नेकपा माओवादी केन्द्रकी देवकी नेपालले ७ हजार ६ सय ४० मत पाएकी छन्।
१० वटा रहेको चन्द्रपुरमा कांग्रेसले १, ५, ७, ८ र ९ नम्बर वडा जितेको छ। २, ३ र ६ मा भने माओवादी केन्द्र विजयी भयो। वडा नम्बर ४ र १० मा एमालेले जित्यो।
२०७४ को स्थानीय तह निर्वाचनमा कांग्रेसका रामचन्द्र चौधरीले जितेका थिए। तर यसपटक चौधरीलाई पार्टीले टिकट दिएको थिएन। टिकट नपाएपछि बागी उठेका चौधरीले ३ हजार ८ सय ४२ पाए।
Facebook Comment
Comment