भलिबल खेल्ने क्रममा झडप हुँदा घाइते भएका खड्काको मृत्यु, पाँच जना पक्राउ

नेपालभ्युज

सुर्खेत। जाजरकोटमा भलिबल खेल्ने क्रममा झडप हुँदा घाइते भएका एक जनाको मृत्यु भएको छ।

३ जेठमा जुनीचाँदे गाउँपालिका–९ धडगाँउका ३६ वर्षीय रेशमबहादुर खड्कामाथि भलिबल खेल्ने क्रममा कुटपिट हुँदा उनी घाइते भएका थिए। घाइते खड्कालाई ४ गते सुर्खेत ल्याउँदै गर्दा बाटोमा नै उनकाे मृत्यु भएको प्रदेश प्रहरी कार्यालय, कर्णालीले जनाएको छ।

घटनामा संग्लन रहेको आरोपमा जुनीचाँदे गाउँपालिका– ९ धडगाँउका नरेन्द्र बस्नेत, जनक बस्नेत, रविन बस्नेत, प्रेमबहादुर बस्नेत र शिव बस्नेतलाई नियन्त्रणमा लिएर अनुसन्धान अगाडी बढाइएकाे ‍जिल्ला प्रहरी कार्यालय जाजरकोटका प्रहरी निरीक्षक पुष्करराज पन्तले जानकारी दिए।