उद्घाटनको साढे तीन वर्षपछि आजदेखि गद्दी बैठक सर्वसाधारणका लागि खुला

काठमाडौं। उद्घाटनको साढे तीन वर्षपछि वसन्तपुरस्थित गद्दी बैठक आज (मंगलबार)देखि सर्वसाधारणका लागि खुला गरिँदै छ।गद्दी बैठकको निर्माण सम्पन्न गरेर २०७५ असार १३ गते अमेरिकी राजदूतावासले नेपाल सरकारलाई हस्तान्तरण गरेको थियो।

सोही दिन तत्कालीन प्रधानमन्त्री केपी शर्मा ओलीले गद्दी बैठक उद्घाटन गरेका थिए। व्यवस्थापन मिलाउन बाँकी रहेकाले उद्घाटनको साढे तीन वर्षपछि सर्वसाधारणलाई प्रवेश खुला गरिएको हो।

संस्कृति पर्यटन तथा नागरिक उड्‍डयन मन्त्रालयले बैठक खुला गर्न लागेको हो। गद्दी बैठक अवलोकनको लागि सर्वसाधारणले अतिरिक्त शुल्क तिर्नु नपर्ने दरबार हेरचाह अड्डाले जनाएको छ।

अपराह्न ४ बजे एक कार्यक्रमकाबीच संस्कृति पर्यटन तथा नागरिक उड्ययन मन्त्रालयका सचिव महेश्वर न्यौपानेले गद्दी बैठक उद्घाटन गर्नेछन्।

२०७२ वैशाखको विनाशकारी भूकम्पले क्षति पुर्‍याएको गद्दी बैठकलाई अमेरिकाको एक कम्पनीले पुन निर्माणको लागि सहयोग गरेको हो। एम्बासडर्स फण्ड फर कल्चरल प्रिजर्भेसन अन्तर्गत मिया मोटो नामक कम्पनी र संस्कृति सम्पदा कोषले ७ लाख डलर सहयोगमा पुनर्निर्माण गरेको हनुमानढोका दरबार हेरचाह अड्डाका प्रमुख सन्दीप खनालले जानकारी दिए।

योसँगै गद्दी बैठकको तल्लो तलामा रहेका तीन वटा ग्यालरीमा ऐतिहासिक हातहतियार र वृत्तचित्र हेर्न सकिने खनालले जानकारी दिए।

गद्दी बैठकको निर्माण सम्पन्न गरेर २०७५ असार १३ गते अमेरिकी राजदूतावासले नेपाल सरकारलाई हस्तान्तरण गरेको थियो। सोही दिन तत्कालीन प्रधानमन्त्री केपी शर्मा ओलीले गद्दी बैठक उद्घाटन गरेका थिए। व्यवस्थापन मिलाउन बाँकी रहेकाले उद्घाटनको साढे तीन वर्षपछि सर्वसाधारणलाई प्रवेश खुला गरिएको हो।