ताप्लेजुङमा आगलागी, तीन घर जलेर नष्ट

नेपालभ्युज

ताप्लेजुङ। ताप्लेजुङको फालेलुङ गाउँपालिका–६ बरभञ्ज्याङमा आगलागी हुँदा तीन घर जलेका छन्। गए राति बरभञ्ज्याङका जितबहादुर मेयोङ्बाको घरबाट आगो लागेको हो। त्यसपछि रामजित राई र मनबहादुर राईका घर जलेको हो ।

आगलागीमा तीन घरमा रहेको आईएमईको कार्यालयसहित आधा दर्जन बढी पसल जलेको स्थानीयवासी खगेन्द्र राईले जानकारी दिए।

आगलागी नियन्त्रणका लागि फिदिममा रहेका दुई दमकलको सहायता लिइएको थियो । बरभञ्ज्याङ फालेलुङ–६ को केन्द्रका रुपमा रहेको बजार हो। विद्युत् सर्ट भइ आगलागी भएको स्थानीयवासीको अनुमान छ।