काठमाडौं । र्यापर भिटेनले युरोप टुरको घोषणा गरेका छन् । यसअघि उनी अमेरिका गएका थिए । फेब्रुअरी ११ देखि मार्च १० सम्म उनको कन्सर्टको लाइनअप तयार भएको छ ।
पोर्चुगलदेखि सुरु हुने उनको टुर बेल्जियम पुगेर टुंगिनेछ । जसअनुसार पोर्चुगलमा फेब्रूरी ११, फ्रान्समा फेब्रुअरी १३, फिनल्यान्डमा फेब्रुअरी १७, पोल्यान्डमा फेब्रुअरी २१, माल्टामा फेब्रुअरी २३, साइप्रसमा मार्च ३ र बेल्जियममा मार्च १० मा कन्सर्ट कार्यक्रम तय भएको छ ।
भिटेन नेपाली डायस्पोरामा सबैभन्दा डिमान्डेड र्यापर हुन् । २०८० सालको सुरुआततिर उनले अमेरिका टुर गरेका थिए ।
छिटफुटरुपमा कुनै एक–दुई देशमा साङ्गीतिक प्रस्तुति दिँदैआएका कलाकारले पछिल्लो समय एक–दुई महिनाकै कार्यक्रम घोषणा गर्न थालेका छन् ।
स्पोटीफाइमा सर्वाधिक सुनिने तथा तन्नेरी पुस्ताका चर्चित गायक सज्जनराज वैद्यले भिसा समस्याका कारण क्यानडाको सो स्थगित भएको जनाएका छन् ।
सामाजिक सञ्जालमा विज्ञप्ति जारी गर्दै उनले जनवरी २६ मा टोरन्टोमा हुने भनिएको पूर्वनिर्धारित कन्सर्ट रोकिएको जनाएका छन् ।
Facebook Comment
Comment