एजेन्सी । ‘यसलाई भनिन्छ सिनेमाघरमा आगो लगाउनु’ यदि तपाईंले पनि रणवीर कपूरको फिल्म ‘एनिमल’ को ट्रेलर देख्नुभएको छ भने मुखबाट यही शब्द निस्किएको होला ।
३ मिनेट ३१ सेकेन्डको ट्रेलरले धमाका मच्चाइरहेको छ । यसको पहिलो सीन नै यति दमदार छ कि तपाईंको शरीरमा काँडा उम्रनेछ ।
सामाजिक संजालमा रणवीर –अनिल कपूरका बीचमा खिचिएको यो सीन भाइरल भएको छ । सबैतिर रणवीर कपूरकै अभिनयको चर्चा छ ।
जति दमदार ‘एनिमल’ को ट्रेलर छ त्यति नै गजब रणवीर कपूरको अभिनय छ । हरेक सीनमा उनी एकदमै शक्तिशाली देखिएका छन् ।
धेरैले ‘यसलाई भनिन्छ अभिनय’ भनेका छन् । साथमा यो कुनै डराउने फिल्मको सीन भन्दा कम छैन पनि भनेका छन् ।
विशेषगरी रणवीरको अभिनयलाई धेरैले ५ वटा तारा दिएका छन् । उनलाई बलिउड फिल्म उद्योगका एकदमै प्रतिभाशाली अभिनेता बताएका छन् ।
फिल्म ‘एनिमल’ लाई सन्दीप रेड्डी वांगाले निर्देशन गरेका छन् । फिल्म एक डिसेम्बरमा रिलीज हुँदैछ । यसमा बबी देओल र रश्मिका मन्दाना पनि मूख्य भूमिकामा देखिनेछन् ।
Facebook Comment
Comment