एजेन्सी । बिग बोस १७ ले हरेक दिन नयाँ मोड लिइरहेको छ । हरेक दिन नयाँ नयाँ कुरामा झगडा भइरहेको छ । कोही न कोही प्रतियोगीबीच झगडा परिरहेको हुन्छ ।
कार्यक्रममा मित्रता कतिबेला दुश्मनीमा परिवर्तन हुने हो भन्नै सकिँदैन । शो मा सबैभन्दा पहिला साथी बनेका मन्नारा चोपडा र मुनन्वर फारुकी बीच अब दरार आइसकेको छ । मन्नारा रोएको भिडियो भाइरल भइरहेको छ ।
उक्त प्रोमो भिडियोमा मन्नारा धेरै नै रोइरहेको तथा बिग बोसको घर छोड्न चाहेको बताएकी छन् भने अन्य सदस्य उनलाई सम्झाउने काममा लागिरहेका छन् ।
खासगरी बिग बोसको यो एपिसोडमा पहिलो टास्कमा नै केही व्यक्तिले गडबडी गरे । त्यसपछि मन्नारा रुन थाल्छिन् र बिग बोससँग कन्फेशन रुममा बोलाउन समेत भन्छिन् ।
उनले भनिन्, “बिग बोस, म कन्फेशन रुममा आउन चाहन्छु र शो बाट बाहिर निस्कन चाहन्छु ।” उनी रुनुको पछाडिको कारण भने बुझिएको छैन ।
Facebook Comment
Comment