इजरायलमा ज्यान गुमाएका विद्यार्थीका परिवारलाई सुदूरपश्चिम सरकारले दुई लाख दिने

नेपालभ्युज

काठमाडौं। सुदूरपश्चिमका मुख्यमन्त्री कमलबहादुर शाहले इजरायलमा निधन भएका सुदूरपश्चिमका विद्यार्थीका परिवारलाई २-२ लाख रुपैयाँ दिने घोषणा गरेका छन् ।

आज एक विज्ञप्ति जारी गर्दै मुख्यमन्त्री शाहले यस्तो घोषणा गरेका हुन् ।

अहिलेसम्म हमासको आक्रमणमा सातजना सुदूरपश्चिमका विद्यार्थीको ज्यान गइसकेको छ। केही अझै सम्पर्कविहीन छन् ।

घटनाप्रति दु:ख व्यक्त गर्दै मुख्यमन्त्री शाहले खोजी र उद्धार र शव फिर्ता ल्याउन छिटोभन्दा छिटो कदम चाल्न सम्बन्धित सबैमा अनुरोध गरेका छन् ।