डिसहोमको “हरेक हप्ता सुपरस्टार सिजनको मेगास्टार” अभियानको विजेतालाई पुरस्कार प्रदान

काठमाडौं। “हरेक हप्ता सुपरस्टार सिजनकै मेगास्टार” योजनाअन्तर्गत रानिवास भोजपुरका भूपाजित राईले जितेको पुरस्कार रकम हस्तान्तरण गरिएको छ । राईको घरमै पुगेर डिस मिडिया नेटवर्कका प्रतिनिधिले उनको अनुपस्थितिमा उनको परिवारलाई नगद १ लाख हस्तान्तरण गरेको हो ।

डिस मिडिया नेटवर्कले बाजागाजासहित एक कार्यक्रमको आयोजना गरी सम्मानसहित उक्त पुरस्कार रकम प्रदान गरेको हो ।

२०८० असोज ८ गते सोमबार भएको लक्की ‘ड्र’ मार्फत रानिवास भोजपुरका राईले नगद एक लाख जितेका हुन् ।

नेपालकै अग्रणी डि.टि.एच सेवा प्रदायक डिसहोमले दशैं तिहारलाई लक्षित गर्दै आफ्नो नयाँ योजना “हरेक हप्ता सुपरस्टार सिजनकै मेगास्टार” सार्वजनिक गरेको हो । यस योजना अन्तर्गत डिसहोमको नयाँ जडान अथवा रिचार्जमा ग्राहकहरूले हरेक हप्ता लक्की ‘ड्र’ मार्फत नगद रु एक लाख प्राप्त गर्न, मिडिया कभरेज प्राप्त गर्न र सेलिब्रेटी झैँ जीवनशैली अनुभव गर्न सक्नेछन् ।

त्यस्तै,यस अभियानका बम्पर विजयी ग्राहकले सिजनकै मेगास्टार बन्ने मौका प्राप्त गर्नेछन् जसमा नगद रु दश लाख, मिडियामा प्रसिद्धी र सेलिब्रेटीझैं जीवनशैलीको अनुभव पनि गर्न पाउनेछन् । यस अभियानमा सहभागी हुनका लागि ग्राहकहरूले डिसहोमको नयाँ कनेक्सन वा डिशहोम रिचार्ज गर्नुपर्ने हुन्छ ।

सुपरस्टारको छनोट हरेक हप्ताको सोमबार डिसहोमको शोकेश, सरोकार टिभी, रमाइलो टिभी, डिसहोमको आधिकारिक फेसबुक पेज र इमेज टिभीमा साँझ पाँच बजे प्रत्यक्ष प्रसारण हुनेछ । “हरेक हप्ता सुपरस्टार सिजनकै मेगास्टार” अभियान आश्विन १, २०८० देखि सीमित अवधिको लागि नेपालभर लागू हुनेछ ।