काठमाडौं । बस्दै नबसी आज निर्धारित प्रतिनिधि सभाको बैठक स्थगित भएको छ ।
दलहरुबीच सहमति जुट्न नसकेपछि बैठक मंगलबार दिउँसो ३ बजेसम्मका लागि स्थगित गरिएको हो ।
संसद् खुलाउने प्रयासस्वरुप प्रधानमन्त्री पुष्पकमल दाहाल ‘प्रचण्ड’ले आजै राष्ट्रिय मान्यता प्राप्त दलका नेताहरुसँग छलफल गरेका छन् ।
त्यस्तै सभामुख देवराज घिमिरेले पनि संसद् खुलाउने विषयमा प्रमुख दलका सचेतकहरुसँग छलफल भएका थिए ।
प्रमुख प्रतिपक्षी दल नेकपा एमालेले भ्रष्टाचार छानबिन गर्न उच्चस्तरीय समिति बनाउन माग गर्दै निरन्तर सदन अवरोध गरिरहेको छ ।
बैठक आज दिउँसो १ बजेका लागि बोलाइएको थियो ।
Facebook Comment
Comment