काठमाडौं। नेपाल फिलिपिन्सविरुद्धको अन्तर्राष्ट्रिय मैत्रीपूर्ण खेलमा पराजित भएको छ।
फिलिपिन्सको रिजल मेमोरियल स्टेडियममा बिहीबार भएको खेलमा नेपाल फिलिपिन्ससँग १–० गोल अन्तरले पराजित भएको हो।
फिलिपिन्सको लागि जाभियर गायोसोले गोल गरे । खेलको ४९ औँ मिनेटमा गायोसोले फिलिपिन्सको लागि गोल गरे।
नेपाल शुक्रबार भारत जाने छ। भारतमा असार ६ देखि १९ गतेसम्म आयोजना हुने साफ च्याम्यिनसिप अगाडि नेपालले फिलिपिन्ससँग मैत्रीपूर्ण खेल खेलेको हो।
साफ च्याम्पियनसिपमा नेपाल, कुवेत, भारत र पाकिस्तानसँगै समूह ‘ए’ मा रहेको छ भने समूह ‘बी’मा भने भुटान, बङ्गलादेश, लेबनान र माल्दिभ्स रहेका छन्।
प्रतियोगितामा नेपालले आफ्नो पहिलो खेल कुवेतसँग असार ६ गते खेल्नेछ। दोस्रो खेलमा भने नेपाल र भारत असार ९ गते आमनेसामने हुनेछन्।
असार १२ गते हुने खेलमा नेपाल र पाकिस्तानबीच प्रतिस्पर्धा हुनेछ।
Facebook Comment
Comment