भारतको उत्तरप्रदेशका पूर्व सांसद अतीक अहमदको प्रहरी हिरासतमै गोली हानी हत्या

नेपालभ्युज

काठमाडौं। भारतको उत्तर प्रदेशका पूर्व सांसद एवं बाहुबली नेता अतीक अहमद र उनका भाई अशरफको गोली हानेर हत्या गरिएको छ । उनीहरु लामो समयदेखि प्रहरी हिरासतमा थिए ।

हिरासतकै बीच उत्तर प्रदेशको प्रयागराजमा एक हत्याको मामिलामा सोधपुछका लागि लैजादै गर्दा दुवैमाथि गोली हानिएको थियो । भारतीय संचारमाध्यमसँग कुराकानी गरिरहेका बेला दुवैमाथि पछाडीबाट गोली हानेको भिडिओ सार्वजनिक भएको छ ।

अतिक अहमदको छोरा असदको पनि बिहीबार झाँसीमा प्रहरीले इन्काउन्टरका नाममा हत्या गरेको थियो । अतिक र असरफमाथि गोलि चलाउने ३ जनालाई प्रहरीले तत्कालै नियन्त्रणमा लिएको थियो ।

स्वास्थ्य परीक्षणका लागि गाडीबाट उत्रिएर पैदल हिडिरेका अतिक र असरफले संचारमाध्यमसँग कुरा गरिरहेका बेला गोली प्रहार भएको देखिएको छ ।