साँखुमा टिप्परले दुई वटा मोटरसाइकललाई ठक्कर दिँदा दुवै चालकको ज्यान गयो

नेपालभ्युज

काठमाडौं। काठमाण्डौको साँखुमा टिप्परले दुई वटा मोटरसाइकललाई ठक्कर दिँदा दुवै मोटरसाइकलका चालकको ज्यान गएको छ ।

। शङ्खरापुर नगरपालिका–९ इन्द्रेणी चोकमा बा ५ ख २४१४ नम्बरको टिप्परले हिजो बेलुका टिपरले ठक्कर दिँदा बा ९४ प ४४९८ नम्बरको मोटरसाइकलका चालक साँखुका ५० वर्षका पवनलाल श्रेष्ठ र बा ८२ प ८३५७ नम्बरको मोटरसाइकल चालक शङ्खरापुर–९ घर भएका २२ वर्षका हरि खड्काको ज्यान गएको महानगरीय ट्राफिक प्रहरी महाशाखाले जनाएको छ।

दुर्घटनामा शङ्खरापुरकै २० वर्षकी पुनम श्रेष्ठ घाइते भएकी छिन् । टिपरसहित चालकलाई पक्राउ गरिएको बौद्ध प्रहरीले जनाएको छ ।