भारतबाट बढेर आयो खाना पकाउने ग्याँसको मूल्य

काठमाडौं । भारतीय आयल कर्पोरेसन (आईओसी) ले इन्धनको नयाँ लागत मूल्य नेपाल आयल निगमलाई पठाएको छ ।

नयाँ मूल्यअनुसार खाना पकाउने ग्याँसको मूल्य बढेको छ भने डिजल तथा पेट्रोलको मूल्य घटेको छ ।

निगमलाई प्राप्त नयाँ मूल्यअनुसार डिजलको लागत ५ रुपैयाँ ५ पैसा, पेट्रोल १ रुपैयाँ २१ पैसा र मट्टीतेलमा ३ रुपैयाँ ४० पैसा घटेको छ ।

यस्तै हवाई इन्धनको लागत ७ रुपैयाँ ३ पैसाले घटेको छ भने खाना पकाउने ग्याँसको लागत भने प्रतिसिलिण्डर ३३९ रुपैयाँले बढेको निगमले जनाएको छ ।

पछिल्लो मूल्यसूचीअनुसार पनि निगमलाई १५ दिनमा ४४ करोड रुपैयाँ नाफा रहेको छ ।

निगमले लागत मूल्यअनुसार नेपाली बजारमा इन्धनको मूल्य घटाउने वा बढाउने निर्णय भने गरिसकेको छैन ।

लोकप्रिय (यो साता)