प्रधानमन्त्रीद्वारा मेडिकल कलेजको निरीक्षण, छिटै सञ्चालनमा आउने आश्वासन

धनगढी। प्रधानमन्त्री पुष्पकमल दाहाल ‘प्रचण्ड’ लगायतका मन्त्रीहरूले कैलालीस्थित शहीद दशरथ चन्द स्वास्थ्य विज्ञान विश्वविद्यालय (गेटा) मेडिकल केलेजको अवलोकन गरेका छन् । प्रधानमन्त्रीमा नियुक्त भएपछि प्रधानमन्त्री प्रचण्ड सोमबार पहिलोपटक सुदूरपश्चिम प्रदेश पुगेका हुन् ।

सरकारले आइतबार मात्रै विश्वविद्यालय बनाउने निर्णय गरेको थियो । सञ्चालनको प्रारूपमा अन्योलता हुँदा संरचना निर्माण भएर पनि मेडिकल कलेज सञ्चालन हुन सकेको थिएन । प्रधानमन्त्री प्रचण्डले आफू पहिलेदेखि नै मेडिकल कलेज संग जोडिएको जानकारी दिए ।

प्रधानमन्त्री पुष्पकमल दाहालले कैलालीको गेटास्थित सहिद दशरथ चन्द राष्ट्रिय स्वास्थ्य विज्ञान विश्वविद्यालय देशकै नमुना स्वास्थ्य विश्व विद्यालय बन्ने बताए । उनले यस क्षेत्रमा सबै नागरिकको मागबमोजिम सरकारले निर्णण गरेको बताए ।

सरकारले आइतबार मात्रै विश्वविद्यालय बनाउने निर्णय गरेको थियो । सञ्चालनको प्रारूपमा अन्योलता हुँदा संरचना निर्माण भएर पनि मेडिकल कलेज सञ्चालन हुन सकेको थिएन । तर अब छिटै यो सञ्चालनमा आउने जानकारी दिए । प्रधानमन्त्रीले विकासे योजनाको निरीक्षण पहिले पनि सुदूरपश्चिमबाट गरेको र अहिले पनि यहीँबाट आफूले अनुगमन यतैबाट सुरु गरेको बताए ।

मेडिकल कलेजमा सुरुदेखि अन्योलता

सरकारले आर्थिक वर्ष २०६६-०६७ मा मेडिकल कलेज निर्माण स्थापना गर्न घोषणा गरेको थियो । तर, प्रारूपबारे २०६५ देखि नै अन्योलता देखिएको हो । यहाँ ७ प्याकेजमा २६ वटा संरचना निर्माण भएको छ । जहाँ छात्र-छात्रा छात्रावास, चिकित्सक आवास कक्ष, कुरुवा, शवदाह घर, अक्सिजन प्लान्ट र थप ३ सय शय्याको अस्पतालको भौतिक संरचना निर्माण भएका छन् ।

साविक डीपीआर अनुसार ८ अर्ब ५० करोड लागत अनुमान गरिएको थियो । यद्यपि, सम्पूर्ण निर्माणसहित सञ्चालनको लागि १५ अर्ब लागत अनुमान गरिएको थियो । २०७७ असारसम्ममा निर्माणको कार्य सम्पन्न गर्ने लक्ष्य लिइएको थियो । भने आव २०७७-०७८ देखि पढाइ सञ्चालन गर्ने सरकारी लक्ष्य थियो । तर, हालसम्म नभएको त्यो हुन सकेको छैन् ।