कांग्रेस र एमालेले नगरसभा बहिस्कार गरेपछि बालेनको आक्रोश : दलको धङधङी बोकेर नआउनू

नेपालभ्युज

कांग्रेस र एमालेले नगरसभा बहिस्कार गरेपछि बालेनको आक्रोश : दलको धङधङी बोकेर नआउनू

काठमाडौं । काठमाडौं महानगरपालिकाका प्रमुख बालेन्द्र शाहले नगरसभा बैठकमा दलको प्रतिनिधित्व गरेर नआउन भनेका छन् ।

आर्थिक वर्ष २०८१/८२ वर्षको जेठ ३२ गते प्रस्तुत भएको नगरको नीति तथा कार्यक्रमको विषयमा छलफल गर्न बोलाइएको बैठक नेपाली कांग्रेस र नेकपा एमालेका जनप्रतिनिधिले बहिस्कार गरेपछि प्रमुख शाहले यस्तो बताएका हुन् ।

‘काठमाडौं महानगरपालिकाको नगरसभामा कांग्रेस, एमालेको धङधङी बोकेर नआउनु होला ।’ उनले सामाजिक संजालमा लेखेका छन् ।

तीन जना नेताको कारण १६० जना जनप्रतिनिधिको बोल्ने अधिकार हनन भएको शाहको भनाइ छ ।

‘नगरसभामा कोही पनि कुनै पार्टीको नेता र उपनेताकारूपमा रहँदैन । १६० जनाको नै हरेक निर्णयमा समान सहभागिता र स्वामित्व रहन्छ ।’ शाहले भने, ‘बन्द कोठामा केही नेताले राजनीतिक लेनदेन गरेर सहमति गर्ने अनि सार्वजनिकरूपमा चै त्यसको औपचारिकता मात्रै दिने काम काठमाण्डौ महानगर पालिकाले गर्दैन ।’


Comment

Leave a Reply

Your email address will not be published. Required fields are marked *

थप समाचार

Copyright © 2024 Digital House Nepal Pvt. Ltd. - All rights reserved