समानुपातिक सांसदले लिए निर्वाचित भएको प्रमाणपत्र (फोटो फिचर)

प्रतिनिधिसभातर्फ एमालेले ३४, कांग्रेसले ३२ , माओवादी केन्द्रले १४, राष्ट्रिय स्वतन्त्र पार्टीले १३, राष्ट्रिय प्रजातन्त्र पार्टीले ७, जनता समाजवादी पार्टीले ५ र जनमत पार्टीले ५ सिट प्राप्त गरेको छ। सबै सांसदले प्रमाणपत्र बुझेका छन्।

सुनील महर्जन

काठमाडौं। निर्वाचन आयोगले प्रतिनिधिसभा तथा प्रदेशसभा निर्वाचनतर्फको समानुपातिक सांसदलाई प्रमाणपत्र उपलब्ध गराएको छ। आयोगले प्रतिनिधिसभा र प्रदेशसभाका समानुपातिक सांसदलाई प्रमाणपत्र उपलब्ध गराएको हो।

समानुपातिक निर्वाचन प्रणालीमार्फत निर्वाचित प्रतिनिधिसभाका ११० जना र सात वटै प्रदेशसभाका २२० जना सांसदलाई प्रमाणपत्र दिन लागेको हो। प्रतिनिधिसभामा सात राजनीतिक दलले राष्ट्रिय दलको मान्यता पाएका छन् ।