काठमाडौं। अखिल नेपाल फुटबल संघ (एन्फा) ले प्रवेश कटुवाललाई नेपाली राष्ट्रिय टिमको मुख्य प्रशिक्षक नियुक्त गरेको छ । एन्फाले मंगलबार पाकिस्तानविरुद्धको मैत्रीपूर्ण फुटबलका लागि कटुवाललाई मुख्य प्रशिक्षकको जिम्मेवारी दिइएको जनाएको हो ।
एन्फाका अध्यक्ष पंकज विक्रम नेम्वाङले कटुवाललाई नियुक्ति पत्र दिएका थिए । कटुवालले मछिन्द्र फुटबल क्लबलाई ‘ए’ डिभिजन लिगको उपाधि जिताएका छन् ।
नेपालले नोभेम्बर १६ मा पाकिस्तानसँग दशरथ रंगशालामा एक मैत्रीपूर्ण खेल खेल्नेछ । मैत्रीपूर्ण खेल साँझ ५ बजे हुने एन्फाले जनाएको छ ।फिफाको प्रतिबन्ध फुकुवासँगै आठ वर्षपछि अन्तर्राष्ट्रिय फुटबलमा फर्किएको पाकिस्तान नेपाल आउन लागेको हो।
मुख्य प्रशिक्षक अब्दुल्लाह अलमुताइरीले राजीनामा दिएपछि नेपाल नियमित मुख्य प्रशिक्षकविहीन रहँदै आएको थियो । यसअघि बंगलादेशविरुद्धको मैत्रीपूर्णमा प्रदीप हुमागाईले टिम हेरेका थिए ।
Facebook Comment
Comment