अमेरिका। अमेरिकी पूर्वराष्ट्रपति डोनाल्ड ट्रम्पले मानहानीको मुद्दामा आफ्नो बयान दर्ता गरेका छन् । यसअघि, ई जिन क्यारोलले पूर्वराष्ट्रपति डोनाल्ड ट्रम्पविरुद्ध यो मुद्दा दायर गरेकी थिइन् ।
क्यारोलले डोनाल्ड ट्रम्पमाथि बलात्कारको आरोप लगाएकी छिन् । तर, ट्रम्पले ती आरोपहरूलाई खारेज गर्दै क्यारोलले झुट बोलेको बताएपछि क्यारोलले उनीविरुद्ध मानहानीको मुद्दा दायर गरिन् ।
ई जीन क्यारोलले सन् १९९० को दशकमा न्युयोर्कको एक लक्जरी डिपार्टमेन्ट स्टोरको ड्रेसिङ रुममा ट्रम्पले आफूलाई बलात्कार गरेको आरोप लगाएकी थिइन् ।
जीन क्यारोलका वकिलले ट्रम्पको बयानसँग सम्बन्धित जानकारी अहिलेसम्म साझा गरेका छैनन्, तर उनले बुधबार ट्रम्पले आफ्नो बयान दर्ता गरेको भन्ने जानकारी भने दिए ।
एक बयानमा, डोनाल्ड ट्रम्पका वकिल एलिना हबाले यो मुद्दा ट्रम्पविरुद्धको राजनीतिक षड्यन्त्र भएको बताएका छन् ।
Facebook Comment
Comment