यसपालीको बडादशैँ ‘हिले’ हुने सम्भावना, नवमीदेखि देशभर पानी पर्ने

काठमाडौं। यसपालिको बडादशैँमा झरी पर्ने सम्भावना रहेको छ । त्रिभुवन विश्वविद्यालय अन्तर्गत जल तथा मौसम विज्ञान केन्द्रीय विभागका सहप्राध्यापक एवम् मौसम अनुसन्धानकर्ता विनोद पोखरेलले दशैँको नवमीको दिनदेखि मनसुन सक्रिय हुने बताएका छन् । अष्टमीको रातीदेखि मनसुन सक्रिय भएर देशभर पानी पर्ने सम्भावना रहेको उनको भनाई छ ।

यसैबीच आज बुधवारदेखि केही दिन मौसम सफा हुने छ । अबको केही दिन देशभर ठूलो पानी पर्ने वा झरी पर्ने सम्भावना नरहेको मौसम पूर्वानुमान महाशाखाले जनाएको छ । मनसुनी न्यून चापीय रेखा सरदर ठाउँमा रहेकाले अबको केही दिन मनसुन निष्क्रिय हुने मौसमविद् सजिना शाक्यले बताइन। पानी परे पनि सामान्य खालको पानी क्षणिकरूपमा पर्ने सम्भावना भएको उनको भनाई छ ।

#Dashain #WeatherForecast shows better weather for a week then precipitation is forecasted for #Nepal
भोलि देखि मौसममा सुधार हुने देखिन्छ, करिब १ हप्ता सम्म।तर दशैंको नवमी (मंगलबार) देखि मनसून सक्रिय हुने र नेपाल भरि वर्षाको सम्भावना छ।@gbudhathoki @smadixit @ngamindra1 pic.twitter.com/o6xADfjtUu

— Binod Pokharel (@BinodClimate) September 27, 2022