फिफा विश्वकप : निर्धारित समयभन्दा एक दिनअघि सार्ने तयारी

काठमाडौं । विश्व फुटबल महासंघ फिफाले अनुमति दिएमा कतार फुटबल संघले आसन्न विश्वकपको उद्घाटन निर्धारित मितिभन्दा एक दिन अगावै गर्ने तयारी भएको छ ।

समाचार संस्था रोयटर्सका अनुसार कतारको यो प्रस्तावमा सहमति जनाएमा आयोजक राष्ट्र कतारले इक्वेडरसँग खेल्दै नोभेम्बर २० तारिखमा विश्वकपको सुरुआत हुनेछ ।

यसअघि आयोजक कतार र इक्वेडरबीचको खेल प्रतियोगिताको तेस्रो खेलको रूपमा र समूह ‘ए’ को उद्घाटन २१ नोभेम्बरमा हुने कार्यतालिका रहेको थियो ।

प्रतियोगिताको उद्घाटन खेल सोमबार बिहान १०ः०० बजे नेदरल्याण्ड्स र सेनेगलबीच हुने भनिएकोमा फिफाले कतारको खेल सार्ने प्रस्ताव पेस गरेको हो ।

प्रस्तावको अन्तिम निर्णय भने फिफा काउन्सिलले फिफाका ६ महादेशीय संघका प्रमुख र अध्यक्ष जियान्नी इन्फान्तिनोले गर्नेछन् ।

लोकप्रिय (यो साता)