म्याग्दीमा पहिराेले घर पुरिँदा २ जनाकाे ज्यान गयो, ३ जना बेपत्ता

म्याग्दीको मालिका गाउँपालिका–२ रुमको तामिङमा आज बिहान घामबहादुर विक र गोठे विकको घर पहिराेले बगाएकाे हो । गोठे विकका छोरा राजन र नवीनको शव भेटिएको छ ।

नेपालभ्युज

काठमाडौं। म्याग्दीमा पहिराेले घर पुरिँदा दुईजनाकाे ज्यान गएको छ । तीनजना बेपत्ता भएका छन् ।

गोठे र उहाँकी श्रीमती गोरी विक पहिराेमा परेर घाइते भएका छन् । घामबहादुर, उहाँकी श्रीमती राममाया र छोरी रोजी विक बेपत्ता भएका छन् । बेपत्ताहरुको खोजी भइरहेको छ ।

मालिका गाउँपालिकाका अध्यक्ष वेगप्रसाद गर्बुजाले जनप्रतिनिधि र सुरक्षाकर्मीको टोली घटनास्थलतर्फ जाँदै गरेकाे जानकारी दिए। घटनास्थल विकट ठाउँमा भएकाले सुरक्षाकर्मी पुग्न समस्या भएको छ ।