एजेन्सी। दुई दशकअघि रिलिज भएको बलिउड कमेडी चलचित्र ‘हेराफेरी’ अझै पुरानो भइसकेको छैन, यसका क्लिप र मेमहरूले दर्शकलाई अझै उत्तिकै हसाउँछ।
अक्षय कुमार, परेश रावल र सुनील शेट्टी स्टार भएको ‘हेरा फेरी’ र यसको स्किवेल ‘फिर हेरा फेरी’ले दर्शकको अनुहारमा मुस्कान ल्याएको छ। यी तीन स्टारको जादूयी पर्फमेन्सले सबैलाई लठ्ठ बनाएको यो फिल्मका श्याम, बाबुराव र राजुका पात्र र उनीहरूको जुगललाई जनताले बिर्सिएका छैनन्। फिल्मको दोस्रो भागको अन्त्य यस्तो थियो कि छिट्टै यसको तेस्रो भागले बन्नेछ, तर अहिलेसम्म फ्यानहरूको चाहना पूरा नभएको भन्दै लामो समयदेखि यसको तेस्रो भागको प्रतिक्षामा छन्।
अन्तत: अहिले यो फिल्मको तेस्रो भागको बारेमा यस्तो खबर बाहिर आएको छ, जसबाट यो तीनै छिट्टै हलमा फर्किने अनुमान गरिएको छ।
सन् २००० मा आएको चलचित्र ‘हेरा फेरी’बारे निर्माताले फिल्मको तेस्रो भागको विषयमा बयान दिएका छन्। ‘हेराफेरी’का निर्माता फिरोज नाडियाडवालाले ‘हेराफेरी’को तेस्रो पार्ट पनि पुराना स्टारकास्टलाई लिएर बनाउने र यसको औपचारिक घोषणा पनि छिट्टै गरिने बताएका छन्।
परेश रावलले ‘हेराफेरी ३’ मा पहिले जस्तो रोल भए फिल्म नगर्ने बयान दिएका थिए। बलिउडका दिग्गज अभिनेताको उक्त भनाइका कारण फ्यानहरू निराश भएका छन्। तर फिरोज नाडियाडवालाको यो बयानपछि फ्यानमा फेरि खुशीको लहर छाएको छ। वास्तवमा, फिल्मको स्टारकास्टले दर्शकको मनमा यस्तो ठाउँ बनाएको छ, जसलाई अरू कसैले खेलेको देख्न सायदै मन पराउँछन्। यही कारणले गर्दा निर्माताहरू कुनै किसिमको जोखिम लिन चाहँदैनन्। रिपोर्टका अनुसार फिरोज नाडियाडवाला भन्छन्, ‘फिल्ममा अक्षय, परेश भाइ र सुनिल नै हुनेछन्। कथामा काम भइरहेको निर्माताले बताएका छन्। चलचित्र यथावत रहनेछ र पात्रहरूको भूमिका पनि पुरानै कायम रहनेछ।
फिरोजको यस्तो भनाइका बाबजुद पनि दर्शकले फिल्म ठूलो पर्दामा फर्किने कुरामा विश्वास गर्न सकेका छैनन्। यही कारणले गर्दा सामाजिक सञ्जाल ट्विटरमा फिल्मका मिम्स निकै भाइरल भइरहेका छन्।
यसै क्रममा कतिपयले फिल्मको दृश्यको भिडियो क्लिप पनि सेयर गरिरहेका छन्। यी भाइरल क्लिप र मेम्सको बीचमा, एक प्रयोगकर्ताले लेखेका छन्- निर्माताहरू अक्षयसँग कमब्याक गर्न सक्षम छैनन्। उनले लेखेका छन् कि फिरोज नाडियाडवाला घोषणाअनुसार फिल्म बन्न सक्दैन।
Facebook Comment
Comment