स्थापितविरुद्धको विज्ञप्ति फिर्ता लिन निर्देशनसहित ओरेकसँग आयोगले माग्यो लिखित स्पष्टीकरण

काठमाडौं। निर्वाचन आयोगले निर्वाचन आचारसंहिताविपरीत विज्ञप्ति जारी गरेको भन्दै महिला पुनःस्थापना केन्द्र (ओरेक)लाई विज्ञप्ति हटाउन निर्देशन दिँदै लिखित स्पष्टीकरण मागेको छ।

नेकपा एमालेका तर्फबाट काठमाडौं महानगरपालिकामा उम्मेदवार रहेका केशव स्थापितविरुद्ध व्यक्तिगत प्रतिष्ठामा आँच आउनेगरी विज्ञप्ति जारी गरेको भन्दै आयोगले ओरेकसँग लिखित स्पष्टीकरण मागेको हो।

आयोगले विज्ञप्ति २४ घण्टाभित्र फिर्ता लिन निर्देशन दिँदै गैरसरकारी संस्था ओरेकलाई तीन दिनभित्र उक्त विज्ञप्तिबारे लिखित स्पष्टीकरण दिन निर्देशन दिएको छ। आयोगले ओरेकको विज्ञप्तिलाई आचारसंहिताविरुद्ध रहेको ठहर गरेको छ।

ओरेक र त्यसमा आबद्ध ४० ओटा परियोजनाहरुले एमाले उम्मेदवार स्थापितविरुद्ध संयुक्त विज्ञप्ति जारी गरेका थिए। आचारसंहिताअनुसार सामाजिक संस्थाले कुनै पनि उम्मेदवारलाई मत देऊ वा नदेऊ भन्न नहुने हुँदा आयोगले सोही कार्य गरेकाले ओरेकसँग स्पष्टीकरण मागेको हो।

अभिव्यक्ति सुधार्न केशव स्थापितलाई निर्वाचन आयोगले गरायो सचेत