महानगर र उपमहानगरमा एमालेले टुंगो लगायो मेयर र उपमेयरका उम्मेदवार (नामसहित)

काठमाडौं । नेकपा (एमाले) ले काठमाडौंसँगै पाँच महानगरपालिकामा स्थानीय तह निर्वाचनका लागि मेयरको उम्मेदवारको टुंगो लगाएको छ। जसअनुसार काठमाडौंको मेयरमा केशव स्थापित, उपमेयरमा स्वतन्त्र उम्मेदवारी दिएकी पूर्वमिस नेवाः सुनिता डंगोल र छन्।

शनिबार बसेको सचिवालय बैठकले ५ महानगरसँगै र १० उपमहानगरको पनि उम्मेदवार टुंगो लगाएको हो। ललितपुरको मेयरमा हरिकृष्ण व्यञ्जनकार र उपमेयरमा मञ्जली शाक्य, पोखरा महानगरको मेयरमा दीपक पौडेल र उपमेयरमा मञ्जुदेवी गुरुङलाई उम्मेदवार बनाइएको छ।

भरतपुरको मेयरमा विजय सुवेदी र वीरगञ्जको मेयरमा विजय सरावगीलाई उम्मेदवार बनाइएको छ। दुवै महानगरको उमपेयरबारे भने टुंगो नलागेको बैठकपछि एक नेताले बताए।

विराटनगर महानगरपालिकाको मेयर र उपमेयर पदको उम्मेदवार बैठकले टुंग्याउन सकेन। बाराको जीतपुर-सिमरा उपमहानगरपालिकाको मेयर-उपमेयरबारे पनि निर्णय भएको छैन। बाराकै अर्को उपमहानगरपालिका कलैया र चितवनको भरतपुर महानगरपालिकाको पनि उपमेयरको टुंगो लाग्न बाँकी रहेको स्रोतले जनाएको छ।

यी हुन् टुंगो लगाइएका उपमहानगरका मेयर र उपमेयरका उम्मेदवार

धनगढी : प्रमुख रणबहादुर चन्द, उपप्रमुख कन्दकला राना थारु
नेपालगञ्ज : प्रमुख पशुपतिदयाल मिश्र, उपप्रमुख शान्तिदेवी ढकाल
तुलसीपुर : प्रमुख टीकाराम खड्का, उपप्रमुख स्यानी चौधरी
घोराही : प्रमुख नरुलाल चौधरी, उपप्रमुख हुमाकुमारी डिसी
बुटवल : प्रमुख बाबुराम भट्टराई, उपप्रमुख सावित्रादेवी अर्याल
हेटौंडा : अनन्त पौडेल, उपप्रमुख सुमित्रा काफ्ले
धरान : प्रमुख मञ्जु भण्डारी, उपमेयर पदम लिम्बू
इटहरी : प्रमुख यमकुमार सुब्बा, उपमेयर संगीता चौधरी
कलैया : विनोद साह