नेपाल प्रहरीले भन्योः म्यादी प्रहरी भर्ना खुलेको छैन, भ्रममा नपर्नू

नेपालभ्युज

काठमाडौं। नेपाल प्रहरीले स्थानीय तह निर्वाचनका लागि म्यादी प्रहरीको भर्ना हालसम्म नखुलाएको भन्दै भ्रममा नपर्न भनेको छ।

प्रहरी प्रधान कार्यालयले आज एक सूचना जारी गर्दै केही दिनयता विभिन्न माध्यमबाट आउँदो स्थानीय तह निर्वाचनका लागि म्यादी प्रहरीको भर्ना खुलाइएको भन्ने भ्रमपूर्ण सूचना आएको भन्दै त्यसको खण्डन गरेको हो। साथै प्रहरी प्रधान कार्यालयबाट यस प्रकारको भर्ना प्रकाशित र प्रसारित नगरिएको पनि जनाइएको छ।

स्थानीय तह निर्वाचनका लागि आवश्यक म्यादी प्रहरीको भर्नासम्बन्धी सूचना नेपाल प्रहरीको वेभसाइट तथा विभिन्न सञ्चारमाध्यममा भविष्यमा प्रकाशित गराइने पनि नेपाल प्रहरीले जानकारी गराएको छ।