आयरल्याण्ड ‘ए’ विरुद्ध अर्धशतक बनाउन एक रनले चुके आरिफ शेख

नेपालभ्युज

काठमाडौं। टी–२० क्रिकेट सिरिजको पहिलो खेलमा आयरल्याण्ड ‘ए’ विरुद्ध आरिफ शेख अर्धशतक बनाउनबाट एक रनले चुकेका छन् ।

कीर्तिपुरस्थित त्रिवि अन्तर्राष्ट्रिय क्रिकेट मैदानमा जारी खेलमा आरिफ शेख ४९ रनमा आउट भए । २६ बल खेलेका उनले ५ छक्का र एक चौका प्रहार गरे । उनी म्याथ्यु हम्फ्रेसको बलमा क्याच आउट भए ।

चौथो विकेटका लागि लोकेश बमसँग १२१ रनको उल्लेख्य साझेदारी गर्दै आरिफले नेपाललाई जितको आधार तयार पारेका थिए । लोकेश १०६ रनमा आउट भए ।