पत्नी कोमलको ‘बर्थ डे’ मनाउन पूर्वराजा ज्ञानेन्द्र चितवन जाँदै, १६ दिनको लागि सोल्टीमा ३२ कोठा बुक

काठमाडौं । पूर्वराजा ज्ञानेन्द्र शाह र पूर्वरानी कोमल शाह आइतबार चितवन जाँदैछन् । भैरहवा र वीरगंजको भ्रमणपछि उनी चितवन जान लागेका हुन् ।

यसअघि भैरहवामा झन्डै एकसाता र वीरगंजमा केही दिन बिताएका ज्ञानेन्द्र भने चितवनमा आधा महिना बस्ने छन् ।

परिवारका अन्य सदस्यसहित चितवन जान लागेका पूर्व राजा १६ दिन त्यहाँ बस्ने कार्यक्रम तय भएको छ ।

पटिहानीको सोल्टी होटलमा बस्ने गरी कोठा बुक भएको छ । यसपटक भने उनी नितान्त निजी भ्रमणका लागि जान लागेको बताइएको छ ।

गतवर्ष पनि उनी चितवनकै होटल सोल्टीमा ८ दिन बसेका थिए । त्यहाँ रहँदा पूर्वराजाले चितवन राष्ट्रिय निकुञ्जको भ्रमण, राप्ती नदीमा डुंगा शयर, विभिन्न सांस्कृतिक कार्यक्रमको अवलोकन गर्ने कार्यक्रम तय गरिएको छ ।

फागुन ७ गते पूर्वरानी कोमलको जन्मदिन छ । पटिहानीमा नै जन्मदिन मनाउने तयारी छ । उनले त्यहाँ ३२ वटा कोठा बुक गरेको छन् ।

यसपटक उनको भ्रमण पारिवारिक भनिए पनि नागरिक अभिनन्दन जस्ता विभिन्न अभियान गर्ने राजावादी समूहको तयारी छ ।