रुसको बेलगोरोडमा गोलाबारी, दुई बालबालिकाको मृत्यु

नेपालभ्युज

मस्को । रुसको सीमावर्ती शहर बेलगोरोडमा भएको गोलाबारीमा कम्तीमा दुई बालबालिकाको मृत्यु भएको । क्षेत्रीय गभर्नर व्याचेस्लाभ ग्लाडकोभले शनिबार बताए अनुसार युक्रेनी सशस्त्र बलहरूले बेलगोरोडको केन्द्रमा गोलाबारी गरेका हुन्।
“प्रारम्भिक जानकारी अनुसार दुई बालबालिकाको मृत्यु भएको छ र थुप्रै घाइते छन्। आक्रमणका क्रममा आवासीय बस्तीहरू पनि प्रभावित भएका छन्,” उनले सामाजिक सञ्जालमा उल्लेख गरेका छन् ।

रुसी रक्षा मन्त्रालयले यसअघि शुक्रबार राति रुसी वायु रक्षा प्रणालीले बेल्गोरोड क्षेत्रको क्षेत्रमा १३ वटा रकेट नष्ट गरेको बताएको थियो। सिन्ह्रा