काठमाडाैं। सहकारी रजिस्टारको कार्यालय पोखराका पूर्व रजिस्टार पक्राउ पुर्जी जारी भएपछि फरार भएका छन् ।
एक करोड २५ लाख रुपैयाँ घुस लिएको आरोपमा प्रहरीले पक्राउ पुर्जी जारी गरेपछि पूर्व रजिस्टार उदयबहादुर पराजुली फरार भएका हुन् ।
उनीमाथि पोखरा–९ नयाँ बजारस्थित मिल मिलन सहकारी संस्थाको कार्यक्षेत्र विस्तारका घुस लिएको आरोप छ । उनी हाल कुस्मा नगरपालिकाकाका प्रमुख प्रशासकीय हुन् । दुई वर्षअघि गण्डकीका रजिस्टार रहेका थिए ।
मित्र मिलन सहकारीका अध्यक्ष रमण पौडेल र प्रबन्धक किरण अधिकारीले प्रहरीमा पराजुलीले घर लिएको बयान दिएका थिए । उनीहरुकै बयानका आधारमा पूर्व रजिस्टार पराजुलीलाई प्रहरीले पक्राउ पुर्जी जारी गरेको कास्की प्रहरी प्रमुख एसपी मोहन थापाले जानकारी दिए । पौडेल र अधिकारी बैंकिङ कसुरमा पक्राउ परेका थिए ।
उनीहरुमाथि सहकारीमा बचतकर्ताको रकम अपचलन गरेको आरोपसमेत लागेको छ ।
Facebook Comment
Comment