एजेन्सी। पाकिस्तानका पूर्वप्रधानमन्त्री इमरान खान अहिले अटक जेलमा छन् ।
इस्लामावादको एक अदालतले शनिबार उनलाई तोशाखाना मुद्दामा तीन वर्षको जेल सजाय सुनाएको हो । इमरान खान आफ्नी पत्नी बुशरा बेगमलाई भेट्न चाहन्छन् । यसका लागि उनले अधिकारीसँग आग्रह गरेका छन् ।
इमरान खानका वकिल उनलाई भेट्न हिजो सोमबार जेल पुगेका छन् । उनले वकिलमार्फत् अधिकारीलाई आफ्नो माग सुनाएका थिए ।
इमरान खानका वकिलले आफूलाई समर्थन गर्ने मानिसहरूलाई धन्यवाद दिएको बताए। वकिलहरूको टोलीमा रहेका नईम हैदरका अनुसार इमरान खानले आफूलाई सी श्रेणीको जेलमा राखिएको बताए।
एउटा सानो कोठा र खुल्ला शौचालय उपलब्ध गराइएको छ।
हैदरका अनुसार इमरान खानले भने, ‘मलाई अँध्यारो कोठामा राखिएको छ । यहाँ टिभी छैन। पत्रपत्रिका पनि दिइँदैन । कि म मर्छु तर दासत्व स्वीकार गर्दिनँ।’
इमरान खानको सजाय खारेज गर्न सर्वोच्च अदालतमा सोमबार निवेदन दिइएको छ । रिटमा सर्वोच्चको फैसला नआएसम्मको सजाय स्थगन गर्न माग गरिएको छ ।
Facebook Comment
Comment