नेप्सेमा उच्च अंकको वृद्धि, कारोबार पनि बढ्यो

नेपालभ्युज

काठमाडौं। मंगलबार नेप्सेमा उच्च रकमको कारोबार भएको छ। मंगलबार बजार परिसूचक नेप्से ३४.१७ वृद्धि हुँदा २०२०.६७ अंकमा बन्द भएको छ । यसअघि, १६ फागुनमा २०१९.९३ अंकमा बन्द भएको थियो ।

मंगलबार नेप्सेका सबै उपसूचकमा वृद्धि हुँदा नेप्सेका सबै उपसूचक बढेका छन् । उत्पादनमूलक उपसूचक सर्वाधिक ४.३२ प्रतिशतले वृद्धि हुँदा लघुवित्त उपसूचक २.६४ प्रतिशतले वृद्धि भएको छ । यस्तै, आज नेप्सेमा ४ अर्ब १२ करोड ६७ लाखको कारोबार भएको छ ।

आज शिवम् सिमेन्टको सर्वाधिक २७ करोड ६७ लाखको कारोबार भएको छ । यस्तै, हिमालयन डिस्टिलरीको १७ लाख ५१ हजार र आईएमई जनरल इन्स्योरेन्सको १६ करोड २७ लाखको कारोबार भएको हो ।

मंगलबार नेप्सेमा कुल २२३ सुचिकृत कम्पनीको सेयर कारोबार भएकोमा १९६ कम्पनीको सेयरमूल्यमा वृद्धि भएको छ । यस्तै २२ कम्पनीको सेयरमूल्यमा गिरावट हुँदा ५ कम्पनीको सेयरमूल्य स्थिर छ ।