काठमाडौं। एपीएफ क्लबले प्रधानमन्त्री कप एकदिवसीय क्रिकेट प्रतियोगिताको उपाधि जितेको छ। त्रिवि अन्तर्राष्ट्रिय क्रिकेट मैदानमा शनिबार भएको खेलमा एपीएफले त्रिभुवन आर्मी क्लबलाई ४ विकेटले पराजित गरेको हो ।
एपीएफले १८० रनको लक्ष्य ३८.३ ओभरमा ६ विकेट गुमाएर भेटायो । उसको लागि भुवन कार्कीले ५५ र शदर भेषवाकरले अविजित १६ रन बनाए । भुवन कार्की ३८.१ ओभरमा रन आउट भए । सुमित महर्जनले ३० रन जोडे । प्रदीप ऐरीले २० र सन्दीप जोराले १७ रन जोडे ।
आर्मीका लागि जितेन्द्र मुखियाले २, सोमपाल कामी र विक्रम सोबले १–१ विकेट लिए ।
पहिले ब्याटिङ गरेको आमीर्ले ३९ ओभरमा १७९ रनमा अलआउट भयो । आर्मीको लागि रोहित कुमार पौडेलले ४९ र राजेश पुलामीले १८ रन बनाए । सुशन भारी १९ रनमा रनआउट भए। जितेन्द्र मुखिया २४ रनमा अविजित रहे। आर्मीका सोमपाल कामी डक आउट भए ।
एपीएफका लागि भने मौसम ढकाल र अमर सिंह रौतेलालले ३–३ विकेट लिए । किशोर महतोले २ विकेट लिए ।
प्रतियोगिताको विजेता एपीएफले १० लाख र उपविजेता आर्मीले ५ लाख रुपैँया प्राप्त गरेका छन् ।
Facebook Comment
Comment