काठमाडौं। आठौं रेडिअन्ट कप अन्तर विद्यालय बास्केटबल प्रतियोगिता सोमबारदेखि हुने भएको छ । आइतबार आयोजित पत्रकार सम्मेलनमा रेडिअन्ट पब्लिक बोर्डिङ स्कुलको आयोजनामा हुने प्रतियोगितामा ४८ टिमको सहभागिता रहने प्रिन्सिपल सूर्यबहादुर केसीले जानकारी दिए ।
सिनियर ब्वाइजमा २४ तथा जुनियर ब्वाइज र सिनियर गर्ल्समा समान १२–१२ टिम सहभागी हुने छन् । सिनियर ब्वाइजलाई ८ तथा जुनियर ब्वाइज-सिनियर गल्र्सलाई ४ समूहमा विभागज गरी लिग कम नकआउट आधारमा खेल खेलाइने छ ।
सिनियर ब्वाइज-गर्ल्समा निम्स तथा जुनियर ब्वाइजमा आयोजक रेडिअन्ट डिफेन्डिङ च्याम्पियन हुन् । प्रतियोगिता सञ्चालन गर्न करिब ३ लाख खर्च हुने रेडिअन्टकी भाइस प्रिन्सिपल सुभद्रा कुँवरले जानकारी दिईन् ।
कात्तिक २९ गतेसम्म चल्ने प्रतियोगिताका खेलहरु स्युचाटारस्थित आयोजककै कोर्टमा खेलाइने छ । प्रतियोगिताको एक संस्करण २०७२ सालको भूकम्प तथा दुई संकरण भने कोभिडका कारण सम्भव नभएको आयोजकले जनाएको छ ।
Facebook Comment
Comment