१३ दशमलव ४८ अंकले घट्यो शेयर बजार

नेपालभ्युज

काठमाडौं। साताको दोस्रो कारोबार दिन शेयर बजारमा सामान्य गिरावट आएको छ। सोमबार नेप्से परिसूचक १३ दशमलव ४८ अंकले घटेर २ हजार ८७२ दशमलव ०५ विन्दूमा पुगेर बजार बन्द भएको हो।

आज १४ उपसमूहमध्ये माइक्रोफाइनान्स, लगानी र अन्य क्षेत्रको परिसूचक सामान्य बढेकोमा बाँकी १० उपसमूहको शेयर घटेको छ। आज फर्वार्ड माइक्रोफाइनान्स, विन नेपाल लघुवित्त र नेपाल हाइड्रोपावरको शेयरमा सकारात्मक सर्किट लागेको छ।

यस दिन कारोबार पनि अघिल्लो दिनको तुलनामा घटेको छ। अघिल्लो दिन ६ अर्ब बढीको शेयर खरीदबिक्री भएकोमा आज ५ अर्ब १५ करोड ४१ लाख रुपैयाँको १ करोड १ लाख ५ हजार कित्ता शेयर कारोबार भएको छ।