छानबिनमा दोषी देखिए गृहमन्त्री लामिछानेले सरकार छोड्नुपर्छ : उपप्रधानमन्त्री महासेठ

नेपालभ्युज

काठमाडौं । उपप्रधान एवं भौतिक पूर्वाधार तथा यातायातमन्त्री रघुवीर महासेठले उपप्रधान तथा गृहमन्त्री रवि लामिछानेविरुद्ध लागेको आरोपमाथि छानबिन जारी रहेको बताएका छन् ।

बिहीबार जनकपुर विमानस्थलमा सञ्चारकर्मीसँग कुरा गर्दै मन्त्री महासेठ छानबिनमा दोषी देखिए रवि सरकारबाट बाहिर जानुपर्ने बताए । उनले दोषी जो कोही भएपनि कारबाहीको दायरामा आउने बताए ।

‘छानबिन जारी छ । जो पनि दोषी भए भने त सरकारबाट बाहिर जानैपर्छ । कुनै चान्स छैन । जो सुकै होस् । यो गठबन्धन बाँकी समय सबै जान्छ ।’ महासेठले भने ।

गृहमन्त्री लामिछानेलाई नेपाली कांग्रेसले प्रधानमन्त्री अफर गर्दा नमानेर अहिलेको सत्ता गठबन्धनमा आएकाले विरोध गरिरहेको बताए । प्रधानमन्त्रीको अफर गर्दा ठिक र गृहमन्त्री बन्दा अपराधी भन्नु गलत रहेको उनको भनाई छ ।