प्रधानमन्त्री कपमा आर्मीले दियो पुलिसलाई १८२ रनको लक्ष्य, विवेकको अर्धशतक

नेपालभ्युज

काठमाडौं। प्रधानमन्त्री कप राष्ट्रिय क्रिकेटको फाइनलमा त्रिभुवन आर्मी क्लबले नेपाल पुलिस क्लबलाई १८२ रनको लक्ष्य दिएको छ ।

कीर्तिपुरस्थित त्रिवि अन्तर्राष्ट्रिय क्रिकेट मैदानमा जारी खेलमा आर्मी ४९.५ ओभरमा १८१ रनमा अलआउट भएको हो ।

४२.५ ओभरमा ९ विकेट गुमाएर १३८ रन बनाएको आर्मीलाई विवेक यादवको ब्याटिङले केही राहत दियो । आर्मीका लागि विवेकले अर्धशतकीय पारी खेले। उनले ८१ बलमा ७ चौका र १ छक्का प्रहार गर्दै अर्धशतक बनाए ।

सोमपाल कामीले ३९, इम्रान शेखले २८ र कुशल मल्लले १७ रनको योगदान गरे। आर्मीका ५ खेलाडीले भने दोहोरो अंक छुन सकेनन् ।

आर्मीलाई सस्तैमा प्याक गर्न पुलिसका लागि ललित राजवंशी र दीपेन्द्र सिंह ऐरीले ३–३ विकेट लिए। सागर ढकाल, करण केसी, र कुशल भूर्तेलले १–१ विकेट लिए ।