काठमाडौं । नेकपा एमालेको केन्द्रीय कमिटी बैठकले पार्टीको झुलाघाट–चिवाभञ्ज्याङ अभियानको कार्ययोजना पारित गरेको छ ।
बुधबार पार्टी मुख्यालय च्यासलमा बसेको बैठकले मंसिर १४ गतेदेखि मध्यपहाडी लोकमार्गमा सुरु हुने झुलाघाट–चिवाभञ्ज्याङ अभियानको कार्ययोजना पारित गरेको हो ।
एमाले प्रचार विभाग प्रमुख राजेन्द्र गौतमका अनुसार अभियानको उद्घाटन पार्टी अध्यक्ष केपी शर्मा ओलीले बैतडीको झुलाघाटमा राष्ट्रिय झण्डाको झण्डोत्तोलन गरेर उद्घाटन गर्नेछन् । अभियानको समापन भने पाँचथरको चिवाभञ्ज्याङमा हुनेछ ।
एमालेले संघीय लोकतान्त्रिक गणतन्त्रात्मक प्रणालीलाई कमजोर बनाउन सरकारकै संलग्नता भएको आशंकासमेत व्यक्त गरेको छ ।
केन्द्रीय कमिटीको बैठकले तीन बुँदे समसामयिक प्रस्ताव पारित गर्दै सत्ता गठबन्धनको स्वार्थका लागि राज्यका निकायहरूमा हस्तक्षेप गर्ने, तिनलाई कमजोर बनाउने र राज्यका निकायको विश्वसनीयता समाप्त पार्ने काम सरकारबाटै भइरहेको एमालेको आरोप छ ।
त्यस्तै एमालेले पश्चिम नेपालका भूकम्पपीडित नागरिकको जीवन रक्षाका लागि सरकारसँग माग गरेको छ ।
Facebook Comment
Comment