बजाजको ग्रान्ड एक्सचेन्ज मेला सञ्चालनमा, पुरानोसँग नयाँ साट्ने अफर

काठमाडौं। ग्राहकहरूका लागि बजाज मोटरसाइकलको एक मात्र आधिकारिक वितरक हंसराज हुलासचन्द्र एन्ड कम्पनी प्रालिले बजाज एक्सचेन्ज मेला सञ्चालनमा ल्याएको छ । कम्पनीले असोज १२ गतेबाट असोज २९ गतेसम्मको लागि उक्त एक्सचेन्ज मेला सञ्चालनमा ल्याएको हो ।

काठमाडौंको भृकुटीमण्डपमा सञ्चालन भइरहेको उक्त मेलामा बजाजका ग्राहकहरूले पुरानो मोटरसाइकल तथा स्कुटरसँग नयाँ साट्न सक्नेछन् । कम्पनीले “ग्रान्ड बाइक, ग्रान्ड एक्सचेन्ज, ग्रान्ड सेलिब्रेसन” भन्ने नारासहित पुरानोसँग नयाँ साट्ने एक्सचेन्ज मेला सञ्चालनमा ल्याएको छ ।

कम्पनीले पुरानो मोटरसाइकल तथा स्कुटर एक्सचेन्जमा न्यूनतम ३० हजारसम्म को मूल्यांकन र प्रचलित बजार मूल्यभन्दा थप १५ हजार बढी दिने जनाएको छ । साथै, बजाजको नयाँ ब्रान्ड खरिद गर्ने खरिदकर्ताहरूले हेलमेट, बाइक कबर, ल्यापटप ब्याग र लेग गार्डजस्ता सामानहरू निःशुल्क प्राप्त गर्न सक्नेछन् ।

बजाजको ग्रान्ड एक्सचेन्ज मेलासँगै टेस्ट राइड पनि सञ्चालन भइरहेको छ । जहाँ सहभागी भएर पनि ग्राहकहरूले आकर्षक उपहारहरू जितिरहेका छन् । एक्सचेन्ज मेलामा उपभोक्ताले विभिन्न निःशुल्क एसेसरिजसमेत प्राप्त गर्न सक्नेछन् ।

सोही अवसरमा कम्पनीले पल्सर-एन सिरिज पनि सार्वजनिक गर्ने भएको छ । बजाजप्रतिको विश्वासले पछिल्लो समय ग्राहकहरूले बजाज ब्रान्ड खोज्ने गरेको कम्पनीको भनाइ छ । देशैभरि सर्भिस सेन्टर उपलब्ध हुनु, पार्ट्सहरू सुपथ मूल्यमा जताततै पाइनु, जस्ता कारणले पनि बजाजले बजार लिएको कम्पनीको विश्वास रहेको छ ।