सल्यानमा बस दुर्घटना हुँदा दुई जनाको मृत्यु, १४ जना घाइते

रमेश रावल

सल्यान। दाङबाट सल्यानतर्फ आउँदै गरेको बस दुर्घटना हुँदा दुई जनाको मृत्यु भएको छ ।

मृत्यु हुनेमा तुलसीपुर उपमहानगरपालिका–६ निवासी ३१ वर्षीय सुमित्रा सुनार र सल्यान त्रिवेणी गाउँपालिका–६ की ४० वर्षीय अनिता बोहरा रहेको जिल्ला प्रहरी कार्यालय, सल्यानले जनाएको छ ।

तुल्सीपुरबाट सल्यानको जयचौर आउँदै गरेको ना ६ ख ५४६३ नम्बरको बस सल्यानको कपुरकोट गाउँपालिका–३ मूलपानी नजिकै दुर्घटना भएको हो ।
दुर्घटनामा १४ जना घाइते भएको जिल्ला प्रहरी कार्यालय, सल्यानका प्रहरी प्रमुख नवीन कार्कीले जानकारी दिए।