एजेन्सी । शाहरुख खानको जवान अब हिन्दीमा सबैभन्दा धेरै कमाई गर्ने फिल्म बनेको छ । जवानले हिन्दी भर्जनमा करिब ६ सय करोड भारतीय रुपैयाँ कमाई गरिसकेको छ ।
शाहरुखले पठान र जवान दुईवटा लगातार सुपरहिट फिल्म दिएका छन् । यस्तो गरेर उनले एक वर्षमै सबैभन्दा धेरै कमाई गर्ने दुई वटा फिल्मको राज कपूरको रेकर्डसँग बराबरी गरेका छन् । क्रिसमसमा रिलीज भइरहेको डंकीले पनि यस्तै खालको रेकर्ड बनायो भने शाहरुखले राज कपूरको रेकर्ड तोड्नेछन् ।
जवानले पठानको रेकर्ड तोडिसकेको छ । फिल्मले विश्वव्यापी रुपमा एक हजार करोडको आँकडा पनि नाघिसकेको छ । शाहरुख खान पहिलो यस्ता अभिनेता हुन् जसका दुई वटा फिल्म एक हजार करोड क्लबमा शामिल भइसकेका छन् ।
रिलीजको दिनको रेकर्ड, विकेन्डको कलेक्शन तथा एक दिनको कलेक्शन सबै खालका अन्य फिल्मका रेकर्ड जवानले तोडेको छ । यो पहिलो त्यस्तो फिल्म हो जसले ६ दिनमा ६०० करोडको कलेक्सन गरेको थियो ।
Facebook Comment
Comment