मर्जरपछि नेप्सेमा सूचिकृत भयो लक्ष्मी सनराइजको सेयर

नेपालभ्युज

काठमाडौं। लक्ष्मी सनराइज बैंक लिमिटेडको सेयर नेपाल स्टक एक्सचेञ्ज (नप्से) मा सूचिकृत भएको छ । साविकका बैंकहरू लक्ष्मी बैंक र सनराइज बैंक एक-आपसमा गाभिएर एकिकृत कारोबार सुरु गरेपछि लक्ष्मी सनराइज बैंकको नामबाट बैंकको सेयर नेप्सेमा सूचिकृत भएको हो ।

साविकको सनराइज बैंक लिमिटेडको सूचीकरणलाई खारेज गर्दै नेपाल धितोपत्र बोर्डले नेप्सेमा लक्ष्मी सनराइज बैंकको सेयरलाई सूचिकृत गरेको हो ।

नेप्सेमा बैंकको कुल २१ करोड ६७ लाख २ हजार ३७९ कित्ता सेयर सूचीकृत भएको छ । सूचीकरणसँगै मर्जर प्रयोजनको लागि रोक्का रहेको यी बैंकहरूको सेयर कारोबार पनि फुकुवा गरिएको छ ।