सन् नेपाल लाइफ इन्स्योरेन्सको आईपीओ आवेदनको म्याद आज सकिँदै

काठमाडौं। सन् नेपाल लाइफ इन्स्योरेन्सले सर्वसाधारणका लागी जारी गरेको आईपीओ आवेदनको म्याद आज सकिँदै छ । इन्स्योरेन्सले वैदेशिक रोजगारीमा रहेका नेपालीहरूलाई निष्कासन गरेको आइपीओ बाँडफाँडपश्चात् सर्वसाधारणका लागि आईपीओ निष्कासन गरेको हो ।

इन्स्योरेन्सले आफ्नो जारी पुँजी ३ अर्ब २० करोड रुपैयाँको ३० प्रतिशतले हुन आउने ९६ करोड रुपैयाँ बराबरको ९६ लाख कित्ता साधारण सेयर निष्कासन गरेको थियो । सोमध्ये ९ लाख ६० हजार कित्ता सेयर प्रतिकित्ता १०० अंकित मूल्यमा १३९ रुपैयाँ थप गरी कुल २३९ रुपैयाँमा वैदेशिक रोजगारीमा रहेका नेपालीहरूका लागि निष्कासन गरी बाँडफाँट गरिसकेको छ ।

अंकित मूल्यमा १३९ प्रतिशत रुपैयाँ प्रिमियम थप गरी प्रतिकित्ता २३९ रुपैयाँमा बाँकी रहेको ७६ लाख ८० हजार कित्ता सेयरका लागि मात्र सर्वसाधारणले आवेदन दिन सक्नेछन् । इन्स्योरेन्सको आईपीओमा न्यूनतम १० कित्ताका लागि आवेदन दिनुपर्नेछ भने अधिकतममा २० हजार कित्ताका लागि आवेदन दिन सकिनेछ ।

सो अवधिभित्र पूर्ण आवेदन नपरेमा निष्कासन अवधि भदौ १४ गतेसम्म लम्बिनेछ । इन्स्योरेन्सको धितोपत्र निष्काशन तथा बिक्री प्रबन्धक नेपाल एसबीआई मर्चेन्ट बैंकिङ्ग लिमिटेड रहेको छ ।